Алматы облысы: төбеттер мен қасқырлардың күресі видеоға түсіп қалған

Алматы облысында екі төбет ит пен бір үйір қасқырдың күресі видеоға түсіп қалды.

Бұл туралы Orda.kz хабарлайды.

Жануарлардың күресі әлеуметтік желіде жарияланып, қызу талқыға түсті. Кадрдан бес-алты қасқырдың екі итті қуып келе жатқанын көруге болады. Видео авторына жақындаған иттер тоқтап, жабайы жыртқыштармен күреседі.

Кейін бұл жағдайға қатысты «Табиғат» аңшылар қауымдастығының вице-президенті Айтуар Туғанбеков түсініктеме берді. Оның айтуынша, жануарларға қатысты бұл оқиға ағымдағы жылдың қараша айының басында, Алматы облысының аумағында, дәлірек айтсақ, Қазақстанның Қытаймен шекарасындағы таулы аймақта болған.

- Бейнежазбаны қойшы түсірген: Бұл шын мәнінде шабуыл емес, иттерді бір-бірінен ажыратып алу үшін жасалған «жалған шабуыл» әдісі. Бейнежазбадан қасқырлардың агрессивті түрде шабуылдамағаны көрінеді. Оның үстіне ол жерде адам болды. Ал қасқырлар өте ақылды жануарлар: адамның көзінше олар ашық шабуыл жасамайды.

- Ал бұл жерде шабуылдың басты нысанасы сиырлар болды. Бірақ қасқырлар оларды иттер қорғап тұрғанын көрді. Сондықтан олар иттерді басқа жаққа алып кеткісі келген. Бұл жабайы жануарлардың тактикасы, - деп түсіндірді ол.

Маман атап өткендей, қасқырлар республика бойынша кең таралған. Бұл жыртқыштарды ату үшін жыл сайын белгілі бір лимит бөлінеді.