Алматы облысы білім басқармасының бұрынғы басшысына үкім шықты

Жетісу облысының соты пара алды және алаяқтық жасады деп айыпталған Алматы облысының білім беру қызметкерлері тобына қатысты үкім шығарды.

Төрт айыпталушыға үкім жарияланды. Олардың арасында облыстық білім басқармасының бұрынғы басшысы Майгүл Омарова бар.

2020 жылдың тамыз-қараша айлары аралығында Алматы облысы білім басқармасының басшысы мемлекеттік сатып алу саласында қылмыс жасаған.

Майгүл Омароваға ҚР ҚК-нің 366-бабы, 4-бөлігі бойынша 10 жылға бас бостандығынан айыру түріндегі жаза тағайындалып, мемлекеттік қызметте қызмет атқару құқығынан өмір бойына айырылды. Үкім заңды күшіне енді.