Алматы метросындағы екі бекеттің атауын өзгерту ұсынылды

cover

Алматы қаласының әкімі Бақытжан Сағынтаев Facebook парақшасында қала метрополитенінде салынып жатқан екі бекеттің атауын өзгертуді ұсынды. Олардың біріне Кеңес одағының батыры, жазушы Бауыржан Момышұлының есімі берілуі мүмкін.

Бұл туралы  Orda.kz  хабарлады.

— Қала күні қарсаңында мәслихатқа қоғамда талқыланып жатқан мәселелерді шешуді ұсындым. Бұл Алматы метрополитенінде салынып жатқан екі стансаның атауын өзгертуге қатысты. «Достық» стансасына Бауыржан Момышұлының есімін беру ұсынылады. Болашақта «Западный» автовокзалы аталуы тиіс стансаға «Қарасай» атауын беру ұсынылды, - деп жазды қала әкімі.

«Достық» бекеті Абай даңғылы мен Момышұлы көшесінің қиылысында салынып жатыр. Бұл бекет биылғы жылдың соңында іске қосылуға тиіс.  Мұнда екі вестибюль мен алты кіру есігі болады. Ал «Западный» автовокзалы Алматы облысы Қарасай ауданының шекарасына салынады.

Жаңалықтар

барлық жаңалықтар