Алматы мен Оралда жалған ақша таратқандар құрықталды

Алматы мен Батыс Қазақстан облысында жалған ақша жасайтын топ ұсталды, деп хабарлайды Orda.kz.

Қаржылық мониторинг агенттігінің мәліметінше, жалған ақша жасағандар Алматыда 100 долларлық жалған купюралар таратқан. Жалпы сомасы 14 900 доллар болатын 149 жалған банкнот тәркіленді.

«Тағы бір топ Батыс Қазақстан облысында ұсталды. Олар Орал қаласындағы лотерея клубтарының бірінде жалған валютамен ставка жасап, осылайша 25 мың доллар және 10 мың еуро өткізген»,  деп мәлімдеді агенттік өкілі.

Сонымен қатар, агенттіктің мәліметінше, жыл басынан бері Қазақстанда жалпы сомасы 43 миллион теңге болатын 87 мың доллардан астам жалған банкнот тәркіленген.