Алматы мен Нұр-Сұлтанда митингілер өтіп жатыр

Бүгін қос қаланың белсенділері митингіге шығып, талаптарын айтуда.

Нұр-Сұлтандағы Ботаникалық бақ аумағына бірнеше ондаған адам жиналды. Олар осы араға тұрғын үй кешенін салу туралы шешімнің күшін жоюды талап етуде.

Vlast.kz хабарлағандай, белсенділер  бастамашы топ құрып, қала әкімшілігін аталған құрылыс шешімі үшін сотқа бермекші. Митингке қатысушылар әкімдіктің шешімін заңсыз деп санайды.

Осы уақытта Алматы қаласында да да митинг өтіп жатыр. Жиналғандар барлық саяси партияларды тіркеуді, парламентті таратуды және жаңа сайлау  жариялауды талап етуде.

 «Ел тірегі» партиясының жетекшісі Нұржан Әлтаев Тоқаевтың наурыз айының ортасында жариялайтын саяси реформалары  талаптарға сәйкес келмесе, олар мерзімсіз наразылық акциясын жариялап, шатыр тігетінін ескертті.

Сонымен қатар Алматыға жиналғандар қаңтар оқиғасы кезінде ұсталғандарды, барлық саяси тұтқындарды босатуды, азаптауды тоқтатуды талап етуде.

Оқиға орнына бірнеше автозак келіп, алғашқы тұтқынға алу әрекеттері болғаны белгілі болды.