Алматы мен Нұр-Сұлтан қалаларында саябақтарды дамытуға қарсы жиындар өтті

Екі қалада ондаған адам Нұр-Сұлтандағы желілік саябақ пен «Комфорт» тұрғын үй кешені маңындағы саябақ құрылысына қарсы шықты.

Алматыда «Комфорт» және «Гагарин саябағы» тұрғын үй кешендерінің тұрғындары бүгін саябақ аумағындағы 12 қабатты бес үйдің құрылысына қарсы шықты. Ал Нұр-Сұлтанда тұрғындар желілік саябаққа тиіспеуді талап етті.

— Елорданы дамытудың бас жоспарына сәйкес, Абу-Даби Плазадан Ботаникалық баққа дейін саябақ желісі жоспарланған. Алматы көшесіне апаратын бірінші кезең екі-үш жылдан кейін ағаштар бой көтергенде,  елорданың сәніне айналмақ. Ал Алматы көшесінен  Ботаникалық баққа дейінгі екінші кезеңде биіктігі 18-ден 23-ке дейінгі көпқабатты 18 тұрғын үй салу жоспарлануда. Демек, желілік саябақ төңірегінде туындайтын мәселелер еселене түспек, - дейді зейнеткер инженер Нұрлан Қоянбаев.

Әңгіме Нұр-Сұлтандағы желілік саябақтың жаңа құрылысы туралы болып отыр. Инженердің айтуынша, даму жоспары жүзеге асырылғаннан кейін инфрақұрылым айтарлықтай тозып кетеді. Жиынға қатысушылар қала мен әкімдіктің жер телімін иеліктен шығаруға құқығы бар екенін, бірақ қарапайым тұрғындарға зиянын тигізбей шешуге құрылыс салушылар құлықсыз екенін, бұл тек кейбір құрылыс салушылардың пайдасына істеліп жатқанын айтып отыр.

Тұрғындар саябақты дамыту жоспарын келісіп алу керек еді деп есептейді. Өйткені ауданда мектеп, емхана, балабақша жоқ. Сондықтан, ғимараттың «тұрғындармен келісілмегендігіне» байланысты адамдар сотқа шағымдануды ұйғарған.

— Біз президентке хат жаздық, бір ғана тұрғын үй кешені тұрғындарынан  1200 қол жинадық. Біз президенттің істің мән-жайынан хабарсыз екеніне  сенімдіміз. Олар не істеп жатыр? Олар біздің талаптарымызды әкімдікке жібереді.  Сөйтіп айналып жүре береді. Біз  барлық жерге жаздық, бәрібір ол талаптар жауап беру үшін әкімдікке қайтарылады, - деп нақтылады белсенділер.

Жақын маңдағы тұрғын үй кешендері тұрғындары желілік саябақ  тақырыбын соңына дейін қузауға  дайынбыз деп сендірді.