Алматы маңында ҰҚШҰ-ның «Жартас-2024» әскери жаттығулары өтеді

2024 жылғы 1-5 қыркүйек аралығында Алматы облысының Таңбалытас учаскесінде орналасқан «Жартас қала – Астана» оқу-жаттығу полигонында ҰҚШҰ мемлекеттерінің құтқарушы бөлімшелері арасында «Жартас-2024» атты арнайы әскери жаттығулары өтеді.

Бұл туралы Ақорда хабарлады.

Жаттығулар аяқталған соң, 6 қыркүйекте ҚР ТЖМ  бөлімшелері арасында «Қазқұтқару-2024» жинақ-семинарының салтанатты ашылуы жоспарланып отыр. Бұл шара 15 қыркүйекке дейін болады.

12-14 қыркүйек аралығында Орталық Азия мен Таяу Шығыс өкілдеріне арналған дрондарды қолдану бойынша мастер-тренинг өтеді. Сонымен қатар, 12-14 қыркүйек аралығында құтқару әрекеттері бойынша волонтерлердің ІІ Республикалық форумы полигон аумағында өткізіледі. Бұл форумға еліміздің барлық өңірлерінен волонтерлер қатысады.