Алматы маңында екі адамды пойыз басып кетті

Алматы маңында пойыз темір жолға шығып кеткен екі адамды басып өтті, деп хабарлайды Orda.kz.

2025 жылғы 23 маусымда сағат 19:10-да Ақсеңгір-Боралдай аралығындағы учаскеде пойыз машинисі екі адамды басып өтті. Адамдар мен пойыз арасындағы қашықтық жақын болғандықтан, пойыз тоқтап үлгермеген.

«Пойыз машинисі екі адамның темір жолға кенеттен шығып кеткенін байқап қалып, шұғыл тежегішті басты. Олар локомотив сигналынатназар аудармаған», деп жазылған хабарламада. 

Оқиға орнында құзырлы органдар жұмыс істеп жатыр. Тергеу ісі басталды. 

Еске сала кетейік, SCAT Airlines әуе компаниясы күтпеген жағдайға байланысты ұшу кестесін өзгертті.  

Бірнеше қалада ұшақтар ұшып бара жатып,  құстармен соқтығысып қалды. Ұшақтардың зақымдануына байланысты бірқатар рейстер кешігіп, кесте өзгертілді.