Алматы-Мале рейсінің кері қайтуына қозғалтқыш сенсорының істен шығуы себеп болды

Әуе компаниясы Малеге рейстің неге орындалмағанына жауап берді. Барлық мәселе қозғалтқыштың дірілін бақылауға және көрсетуге жауап беретін сенсорда екені белгілі болды.

 «Алматы – Мале бағыты бойынша KC585 рейсін орындаған «Эйр Астана» әуе компаниясының Airbus A321 ұшағы кесте бойынша сағат 01:47-де ұшты. Ұшу кезінде қозғалтқыштың дірілін басқару және индикатор сенсоры істен шықты. Қауіпсіздік процедураларына сәйкес ақауды жою үшін ұшақ  әуежайға қайта оралу туралы шешім қабылданды. Сағат 03:30-да ұшақ Алматыға қонды. Қону қалыпты режимде өтті»  делінген әуе компаниясы хабарламасында.

Сонымен бірге әуе компаниясы «қонғаннан кейін екі сағаттан кейін жолаушылар тамақ пен сусынмен қамтамасыз етілді» деп сендірді. Алайда, жолаушылар компания қызметіне шағымданып, назар аударуды талап ететін видео оқиғаның керісінше өрбігенін аңғартады. Жолаушылар өздерін орналастырудан, тіпті тамақтандырудан  да бас тартылғанын жеткізді.

 «Әуе компаниясы келтірілген қолайсыздықтар үшін жолаушылардан кешірім сұрайды және help.airastana.com сайтына өтемақы алуды сұрайды. Атап айтқанда, әуе компаниясы серіктес қонақүйлерде орын тапшылығына байланысты тұрғылықты емес жолаушыларды Алматыдағы қона қүйлерге орналастыра алмады. Жолаушыларға одан әрі өтемақы алу үшін тұтынушыларға қызмет көрсету бөліміне тұру чектерін жіберу ұсынылады» деп толықтырды компания.

Әуе компаниясы Maлe қона қүйіне келгеннен кейін бірден діттеген жеріне бара алмайтын жолаушыларды орналастыруды жоспарлап отырғанын атап өтті.

Келтірілген қолайсыздықтар үшін және өтемақы үшін компания help.airastana.com сайтына хабарласуды сұрайды.