Алматы маңында 81 жастағы әжей жүк көлігінің астына түсті

Алматы маңында 81 жастағы қарияны жүк көлігі қағып кетті. Жол апаты түсіп қалған видео әлеуметтік желіде лезде тарады.

Бұл туралы Orda.kz хабарлады.

Полиция департаментінің айтуынша, жол апаты 2 қазанда Іле ауданы, Байсерке ауылында орын алған. 81 жастағы қарт әжей жолдан өтіп бара жатқанда, оны Iveko Magirus жүк көлігі қағып кеткен. Белгілі болғандай, ол жолды белгіленбеген жерден өткен.

– Қарт әйел оқиға орнында қайтыс болды. Жол апаты Іле аудандық ішкі істер бөлімінің ТЖД-да ҚР Қылмыстық кодексінің 345-бабы бойынша тіркелді, - деп хабарлады Алматы облысы полиция департаментінің баспасөз қызметі.

Жүк көлігін 38 жастағы ер адам басқарғаны белгілі.

ЕСКЕРТУ! Бейнежазбада зорлық пен қатыгездік көріністері бар. Аталмыш видеоны аяғы ауыр және психикасы әлсіз адамдарға көруге кеңес берілмейді!