Алматы мәслихаты депутаттарына COVID-19-қа қарсы вакцина егілді

Алматы қаласы мәслихатының депутаттары алғашқылардың бірі болып Sputnik V вакцинасын алды, деп хабарлады ведомствоның баспасөз қызметі.

Екпе жұмыстары №5 қалалық емханада өтті. Депутаттар алдын-ала тексеруден өтті. Процедура аяқталғаннан кейін олар 30 минут дәрігерлік бақылауда болды.

«Мен пандемия кезінде коронавирус жұқтыру қаупі вакцинадан болатын қауіптен әлдеқайда жоғары деп санаймын. Біз адамдармен тығыз жұмыс жасаймыз, сондықтан вакцинация өте маңызды. ДДСҰ-ның бағалауы бойынша, пандемияны тоқтату және адамдардың өмірін сақтау тек жаппай егілудің арқасында мүмкін болады», - деді Станислав Канкуров, Алматы қалалық мәслихатының хатшысы.

Депутат Әсия Ақанованың айтуынша, тек жаппай вакцинация коронавирустың таралуына қарсы тұруға қабілетті.

«Дәрігер ретінде мен иммундау аурудың көрсеткішін бірнеше есеге төмендететінін түсінемін, біз мұны білуіміз керек. Бүгін мен және менің әріптестерім біздің тұрғындарымыздың қауіпсіздігі өте маңызды екенін көрсеткіміз келеді. Бұл вирусты жеңудің жалғыз жолы», - деді ол.

Еске салсақ, 2021 жылы 1 ақпанда елімізде жаппай вакцинация науқаны басталды.