Алматы клиникаларына жаңа жабдықтар алынды

Мегаполистің медициналық мекемелерінің материалдық-техникалық базасы заманауи медициналық жабдықтармен қамтылды, деп хабарлайды ORDA.

Жаңарту бағдарламасы қала әкімі Бақытжан Сағынтаевтың бастауымен қолға алынды. 2020 жылы Алматы қаласының медициналық ұйымдарының материалдық-техникалық жабдықталуын жақсартуға жергілікті бюджеттен 43,1 млрд бөлінді.

Бұл қаражатқа 285 желдеткіш, сондай-ақ O2FLO жоғары ағынды оттегі терапиясына арналған 250 қондырғы, 1050 оттегі концентраторы сатып алынды.

Алматы УОЗ-на қарасты медициналық ұйымдарға 47 бірлік рентген аппараттары, 52 ультрадыбыстық аппараттар жеткізілді.