Алматы кинотеатрларын Ashyq жүйесіне қосуға болады

Алматы кинотеатрларын Ashyq жүйесіне қосуға болады, деп мәлімдеді онлайн-брифингте қалалық кәсіпкерлер палатасының директоры Айтуар Қошмамбетов.

Бұл туралы Orda.kz хабарлады.

Баспасөз конференциясында журналистер Айтуар Қошмамбетовтен, қандай бизнес салаларының өкілдері Ashyq жүйесіне қосылуды сұрап отырғанын білді.

– Бізге түрлі саланың өкілдері, оның ішінде кинотеатрлар, қоғамдық тамақтандыру орындары, балалар орталықтары, спорттық нысандар жүгінеді. Ұсыныс ретінде келесі кезең - кинотеатрларды жүйеге қосу.

Жақын арада, сәуірдің ортасында, қаланың бас санитарлық дәрігерінің жаңа қаулысы шығады деп күтеміз, - деді Қошмамбетов.

Ол кинотеатрлар, талдау бойынша, барлық санитарлық талаптарға сай келетіндігін атап өтті.

– Олар адамдардың санын бақылай алады. Сондықтан біз кинотеатрлар мен басқа нысандарды осы жобаға қосқанын қалаймыз, - деді Алматы қаласы Кәсіпкерлер палатасының директоры.

Оның айтуынша, қазір қаладағы 264 нысан Ashyq жүйесіне енді. Бір қатысушының өтініші өңделуде, ал 92 қатысушы QR кодын алу сатысында.

– 5 сәуірде Алматыдағы пилоттық жобаның арқасында қызыл және сары мәртебесі бар 19 келуші анықталды. Жалпы, 17 қаңтардан 5 сәуірге дейін республика бойынша қызыл мәртебеге ие 273 адам анықталды, яғни сол қалаларда жоба жұмыс істейтін жерде, - деді ол.