Жаппай тәртіпсіздіктер кезінде Алматы қаласының әкімі Бақытжан Сағынтаевқа шабуыл жасаған сәті видеоға түсіп қалды.
Еске сала кетейік, 6 қаңтар күні кешке Алматы әкімінің кортежі, әкімдік пен «Алматы» телеарнасының қызметкерлерін қоса әкімдікке түсірілімге жіберілген болатын.
– Мен барлық уақытта Алматыда болдым, штабты басқардым. 5 қаңтар күні кешке, Республика алаңы мен әкімдік толығымен тазаланған кезде, біз штабтағы әріптестерімізбен бірге әкімдікке бардық, сағат 8 немесе 9-да, есімде жоқ, тіпті сағатқа да қарамадым. Біз Назарбаев көшесімен төмен түсіп, сол жаққа, Мемлекеттік мұражай жағындағы бұрылыстан бұрылуымыз керек болғанда, бұталар арасынан автоматтан кезек-кезек оқ жауды, – деді Сағынтаев.
Кейбір деректерге сүйенсек, аумақты тазарту туралы хабарлама болған. Әл-Фараби даңғылынан Назарбаев даңғылына қарай көліктер төмен түскен сәтте жолаушылар оққа ұшты.
Атыс кезінде қаланың спорт басқармасының басшысы, дін басқармасының басшысы, қала әкімінің жүргізушісі, «Алматы» телеарнасының операторы жарақат алды.
Оқиға барысында Алматы телеарнасының жүргізушісі көз жұмды.
