Алматы әкімі Бақытжан Сағынтаев АН-26 ұшағы құлаған жерге барды

Қала әкімі Twitter-аккаунтында жағдайды бақылауда ұстап отырғанын хабарлады. Б. Сағынтаев ұшақ апатынан зардап шеккендерге барлық қажетті медициналық көмек көрсетуді тапсырды.

— АН-26 әскери ұшағы құлаған жерге бардым. Тиісті қызмет өкілдеріне болған оқиғаның салдарын жоюды тапсырдым. Қаза болғандардың туыстары мен жақындарына көңіл айтамын. Зардап шеккендерге барлық қажетті медициналық көмек көрсетілуде,  деп жазды Б. Сағынтаев.

Бүгін, 13 наурызда Нұр-Сұлтан-Алматы бағытында келе жатқан АН-26 әскери ұшағы сағат 17:22-де радардан жоғалып, қала әуежайына шұғыл қонды. Ұшақта болған адамдардың төртеуі қаза тапты, екеуі түрлі жарақаттармен Алматы қаласының 4-ші қалалық клиникалық ауруханасына жеткізілді.

Қайтыс болған әскерилердің аты-жөндері: аға лейтенант Баймұратов Досжан - 43 жас, сержант Васильков Евгений - 34 жас, лейтенант Сағынбаев Мұхтар - 26 жас, майор Барлықбаев Ғабит - 34 жас.

Аман қалған әскерилер: 1987 жылы туған Аширов Артем мен 1996 жылы туған Бақыт Есләм. Медицина қызметкерлері ауыр жарақатпен түсен екі әсеридің өмірін сақтап қалу үшін бар мүмкіндікті жасауда.