Алматы әкімдігінің экс-қызметкеріне қатысты қылмыстық іс болмаған

Алматы қалалық ұтқырлық басқармасының бұрынғы бастығы Ерлан Әділовке қатысты қылмыстық іс жоқ.

Бұл туралы Orda.kz хабарлады.

Сыбайлас жемқорлыққа қарсы қызмет, сондай-ақ Алматы қаласының прокуратурасы Ерлан Әділовке қатысты сотқа дейінгі тергеу болмағанын мәлімдеді. Қалалық ұтқырлық басқармасының өзі 2021 жылы 12 сәуірде бұрынғы басшы өз еркімен отставкаға кетті деп хабарлады. Оның денсаулығында қандай да бір проблемалар болғандығы атап өтілді.

Енді қалалық мобильділік бөлімі бастығының бос орнына конкурс жарияланды.

Бұған дейін, осы жылдың наурыз айында Алматыда сыбайлас жемқорлыққа қарсы қызмет Ерлан Әділовке пара алды деген айып тағылғандықтан, оған қатысты тергеу басталғанын хабарлаған. Қылмыстық іс неге және қашан жабылғаны әлі белгісіз.

Ерлан Әділов 1976 жылы туған. Тынышпаев атындағы Қазақ көлік және коммуникация академиясын бітірген. Оның көлік және құқықтану саласында екі жоғары білімі бар.

Әділов қалалық мобильділік бөлімінің бастығы қызметіне 2020 жылдың маусым айында тағайындалды.