Алматы әкімдігінде «автобустар зиратына» қатысты жағдай түсіндірілді

Алматы әкімдігі мегаполис тұрғындары «автобустар зираты» деп атап кеткен тұрақта орналасқан жұмыс істемейтін қоғамдық көліктердің жағдайына қатысты пікір білдірді.

Бұл сауалды мәслихаттың кезектен тыс VII сессиясында депутат Тимур Елеусізов қойды. Тоқтап тұрған автобустарды жөндемей, жаңа қоғамдық көлік сатып алудың қажеті қанша деген сұрақ қойды депутат.

«Қазір біз 600 автобус пен 100 троллейбус бөліп жатырмыз. Ал, әлеуметтік желілерде «автобустар зиратына» қатысты сұрақ жиі көтеріледі. Неліктен бізде 600 автобус жұмыс істемейді? Неліктен қосалқы бөлшектер сатып алынбайды, автобустар жөнделмейді?»деп сұрады депутат.

Қалалық ұтқырлық бөлімінің басшысы Сағындық Телібаев қазір бұл тұрақта 823 автобус барын, оның 651 данасын бұрын сенімгерлік басқару негізінде «Green Bus» ЖШС жүргізгенін түсіндірді.

«Бұл автобустар 2010-2013 жылдары шығарылған. Қатты тозып кеткендіктен қалпына келтіру мүмкін емес. Ал қалған 157 автобусты Алматы облысының балансына өткіздік»деп түсіндірді ол.

Телібаевтың айтуынша, тұрақта 15 он сегіз метрлік LiAZ жүк көлігі сақтаулы тұр. Оларға қосалқы бөлшектер сатып алынады, жөндеу жұмыстары биылғы жылға жоспарланған.

Ал, Алматыда қоғамдық көліктерде жол жүру ақысы қымбаттады. Оңай картасымен төлегенде автобуспен жүру 100 теңге, қолма-қол 200 теңге болады.