Алматы әкімдігі стратегиялық нысанды заңсыз сатты - прокуратура

Алматы прокуратурасы қала әкімдігі мегаполис көшелерін жарықтандырумен қамтамасыз ететін «Алматы Қала Жарық» ПВХ бойынша стратегиялық нысан – МКҚК-ны қалай заңсыз жекеменшікке бергенін айтып берді.

Олардың мәліметінше, Алматы әкімдігінің аталған компанияны жекешелендіруге беру туралы шешімі 2021 жылдың 25 қазанында қабылданған.

Сол жылдың 8 қарашасында Алматы қаласы Мемлекеттік активтер департаменті 14 835 000 000 теңге бастапқы баға ұсынысымен бірінші аукционды жариялаған («БизнесПартнерКонсалт» ЖШС бағалау ұйымы).

«Қатысуға өтінімдердің болмауына байланысты екі рет сауда-саттық өтпеді деп танылды. 2021 жылғы 28 желтоқсандағы үшінші аукционның қорытындысы бойынша 4 660 020 000 теңге (бір ұсыныс) баға ұсынысымен «ABM Group.com» ЖШС жеңімпаз деп танылды. Кейіннен жеңімпазбен сатып алу-сату шарты жасалды.

Бұл ретте Алматы қаласы бойынша Бәсекелестікті қорғау және дамыту департаменті тауар нарығындағы бәсекелестіктің жай-күйін талдау барысында ҚР «Мемлекеттік мүлік туралы» Заңының нормаларын бұзу фактілерін анықтады. Атап айтқанда Алматы қаласы әкімдігінің іс-әрекетінде кәсіпкерлік кодексінің жекешелендіру нсыандарын сату ережелері сақталмаған», деп хабарлады прокуратура.

Осыған байланысты Алматы қаласының прокуратурасы қала әкімдігіне заң бұзушылықтарды жою туралы ұсыныс енгізді.

«Кейіннен, жоғарыда аталған бөлімнің прокурорлық қадағалау актісін және хабарламасын орындау мақсатында, әкімдік 2022 жылғы 28 наурызда Алматы қаласының мамандандырылған ауданаралық экономикалық сотына сатып алу-сату шартын жүзеге асыру үшін сатып алу-сату шартын бұзу және жарамсыз деп тану туралы талап арызбен жүгінді» деп хабарлайды елордалық прокуратура.

Еске салсақ, әкімдіктің стратегиялық нысанды заңсыз сатқаны 24 наурызда белгілі болған.