Алматы қаласының тұрғындарына алдағы күндері мұқият болу ескертілді

Алматыда жыл сайынғы жылу желілерін сынау өткізілуіне байланысты қала тұрғындары мен қонақтарынан аса сақ болу сұралды, деп хабарлайды Orda.kz порталы.

2024 жылғы 24 сәуірден 15 мамырға дейін Алматының барлық аудандары аумағында жылу желілерін гидравликалық сынау жүргізілмекші.

«Бұл күндері күн сайын сағат 04:00-ден 07:00-ге дейін магистральдық және тарату құбырларын тексеру тікелей жүргізілетін кезде қала тұрғындары мен мегаполис қонақтарына өте мұқият болуға, қарапайым сақтық ережелерін сақтауға кеңес береміз! Қауіпсіздікті қамтамасыз ету шараларына қарамастан, кенеттен оқыс жағдайлар болып қалуы мүмкін: судың сыртқа ағуы,жол жабындысының ішінара бұзылуы және т. б.»  делінген хабарламада.