Алматы қаласы ТЖД жаңа басшысы болып Нұрлан Атығаев тағайындалды

Алматыда Төтенше жағдайлар департаментіне жаңа басшы тағайындалды. Ол полковник Нұрлан Атығаев.

Ол бұл қызметте қыркүйекте сыбайлас жемқорлық қылмысы үшін үш жылға сотталған Руслан Қасыбаевтың орнына келді.

Атығаевты тағайындау туралы бұйрыққа Төтенше жағдайлар министрі қол қойды.

Ол 2020 жылдың желтоқсанынан 2023 жылдың қазан айына дейін Ақмола облысы Төтенше жағдайлар департаментінің бастығы қызметін атқарды.

Төтенше жағдайлар департаментінің жаңа басшысы Төтенше жағдайлар вице-министрі генерал-майор Ерлан Нұрпейісовке таныстырылды.

Атығаевтың алдына қойылған басқа да міндеттердің қатарында тәртіп сақтау және жеке құрам арасындағы сыбайлас жемқорлықпен күрес бар.

Естеріңізге сала кетейік, Алматы Төтенше жағдайлар департаментінің бұрынғы басшысы қызметтік өкілеттігін асыра пайдаланды деген айыппен үш жылға сотталған болатын.

Ол іс жүзінде аяқталмаған жұмыстың  толық құнын заңсыз мердігерге төлеген. Сондай-ақ, техникалық қадағалаудың оң қорытындысынсыз қалалық өрт сөндіру бекеттерінің бірін пайдалануға қабылдаған.