Алматы қаласы мәслихатының депутаты жатақханадағы өрттен кейін шағын бизнесті тексеруге ерекшелік енгізуді ұсынды

Қолданыстағы мораторийге байланысты барлық жатақханаларда өрт қауіпсіздігі талаптарының сақталуына бағалау жүргізілмейді.

Мәслихат депутаты, Алматы қалалық Қоғамдық кеңесінің төрағасы Алтынай Көбеева әлеуметтік функцияларды жүзеге асыратын шағын кәсіпкерлік субъектілерінің жекелеген санаттарын тексеруге мораторийді алып тастауды талап етті.

«Барлық әлеуметтік нысандар мен қоғамдық орындардың өрт қауіпсіздігін толық бақылауға алу қажет деп есептеймін, біздің мәслихаттан, біздің қоғамдық кеңестен мораторийді алып тастау туралы ұсыныс енгізуді сұраймын. Менің ойымша бұған қойылған мораторийді алып тастау қажет. Біз қазір ойын-сауық орындарын емес, адамдар тұратын жерлерді, сондай-ақ балабақшалар туралы айтып отырмыз», - деді Алтынай Көбеева

Барлық қонақ үйлер мен жатақханаларда өрт қауіпсіздігі талаптарына сәйкестігін кешенді бағалау жүргізілмейтіні айтылды. Бұл сәйкессіздікке шағын бизнеске бағытталған тексерулерге қойылған қолданыстағы мораторий себеп.

30 қараша күні сағат 5.30 шамасында Әди Шәріпов көшесіндегі Алматы жатақханасынан өрт шықты. Өрт салдарынан13 адам қаза тапты.