Алматы экономикасына жыл соңына дейін шамамен 1,3 триллион теңге тартылады

Қаңтар-сәуір айларында негізгі капиталға салынған инвестиция 352 млрд теңгені құрады, деп хабарлады кәсіпкерлік және инвестициялар басқармасы.

2022 жылдың қаңтар-сәуір айларында Алматының экономикасына қанша инвестиция тартылды, сондай-ақ осы жылдың соңына дейін қанша қаражат тартуды жоспарлап отырғаны туралы қалалық кәсіпкерлік және инвестиция басқармасы хабарлады.

Министрлік төрт айда негізгі капиталға салынған инвестиция көлемі 352 млрд теңгені құрағанын, ал нақты көлем индексі (PVI) 121,3% (салыстыру үшін: Қазақстан бойынша дәл осындай көрсеткіш 102,3%) болғанын айтты.

Бұл ретте қаржыландырудың негізгі көздері инвесторлардың жеке қаражаты есебінен, ол 241,2 млрд теңгені немесе инвестицияның жалпы көлемінің 68,5%-ын құрады, деп нақтылады басқарма.

Егер бағыттарды айтатын болсақ, инвестицияның негізгі көлемі шамамен 52,2% жылжымайтын мүлікке түсіп, 183,8 млрд теңгені құраса, саладағы ХҚҰ 137,3% құрады.

Көлік және қойма саласына қаңтар-сәуірде 12,1%-дан астам инвестиция салынды – 42,6 млрд теңге, ХҚҰ 117,5%-ды құрады. Өнеркәсіпке салынған инвестиция жалпы көлемнің 7,8%-ын немесе 27,6 млрд теңгені, ХҚҰ – 117,7% болды.

Қатысу үлесі бойынша келесі орында білім саласы тұр (6%). Бұл саладағы қаржыландыру көлемі 21 млрд теңгені, ХҚҰ – 169,3 пайыз болады. Одан кейін қаржылық және сақтандыру қызметі. Инвестициялардың жалпы көлеміндегі оның үлесі 5,9%-ды құрады, ХҚҰ – 98%-ға тарту көлемі 20,7 млрд теңгеге дейін төмендеді.

Сондай-ақ, Алматы қаласының Кәсіпкерлік және инвестициялар басқармасы биылғы жылдың соңына дейін жалпы сомасы 588 млрд теңгеге жуық 77 инвестициялық жобаны жүзеге асыру жоспарланып отырғанын хабарлады.

Оның ішінде:

• Жылжымайтын мүлік саласындағы 43 жоба – 395,5 млрд.теңге шамасында;
• Көлік және логистика саласындағы 1 жоба 67,9 млрд.теңге;
• Сауда саласындағы 13 жоба – 47,5 млрд.теңге;
• Өнеркәсіп саласында 13 жоба – 25,9 млрд теңге;
• 4 әлеуметтік жоба – 33,5 млрд теңге және тағы 3 жоба әр түрлі бағыттағы жалпы сомасы 17,6 млрд теңге.

Жалпы, 2022 жылдың қорытындысы бойынша мегаполистің негізгі капиталына салынған инвестиция көлемі 1,3 трлн теңге деңгейінде болжануда. Жоғарыда аталған жобаларды іске асыру 2,6 мыңнан астам тұрақты жұмыс орнын құруды көздейді, деп қорытындылады министрлік.