Алматы іргесінде есірткі зертханасы табылды

Қала іргесінде  27 жастағы ер адам есірткі өндіретін зертхана ісімен айналысқан.

Белгілі болғандай, полиция оны ұзақ уақыт бойы аңдып жүрген.

«Күдікті біздің назарымызға біраз уақыт бұрын түскен. Ол синтетикалық есірткіні белсенді қолданушы ғана емес, оның тұрақты таратушысы екені де алдын ала анықталған. Мақсатты жедел және арнайы шаралар арқылы сотталушының қылмыстық әрекетінің басқа бағытын анықтау мүмкін болды. Ол «синтетика» өндіруші болып шықты. Ер адам Алматы облысы, Қарасай ауданы, Іргелі ауылындағы үйлердің бірінде өндіріс ұйымдастырған. Бір сөзбен айтқанда, әмбебап есірткі сатушыны әшкереледік», – дейді Алматы қалалық полиция департаменті Есірткі қылмысына қарсы күрес басқармасының бастығы Ерлан Әлмағамбетов.

Ұсталған азамат өндіріске қажетті шикізатты «жұмыс берушіден» Алматы облысының Қарасай ауданында  жасырылған жерінен алғанын айтты.