Алматы имиджіне әкімдік қомақты қаржы жұмсамақ

Алматы әкімдігі өзінің оң имиджін қалыптастыруға 44,6 млн теңге жұмсауды жоспарлады. Ақша 2 ай ішінде жұмсалуы керек, деп хабарлайды Orda.kz.

Қала билігі PR-компанияны әлеуметтік желілер мен БАҚ-та арнайы медиа-жоспар дайындап, қазақ және орыс тілдерінде 108 матриал орналастырады. Instagram және Telegram-да жарияланған материалдар «жарнама» деген белгісіз шығады.

Әкімдікпен бірлесіп жұмыс істеу үшін Instagram аккаунтында миллионнан астам, ал Telegram арнасында 20 мыңнан астам жазылушы болуы шарт.

Жұмыс 2024 жылдың 31 желтоқсанына дейін аяқталуы тиіс. Орындаушы әлі таңдалған жоқ.

Еске сала кетейік, бұған дейін Алматы әкімдігі Ерболат Досаев туралы айтылатын материалдарды қадағалау бойынша қызметтерге тапсырыс берген. Кейінірек әкімнің өзі бұл «келіспеушіліктерді немесе әкімдіктің жұмысына наразы адамдарды іздеу үшін емес» деп мәлімдеді.