Almaty Hostel-дегі өлімге әкелген өрт ісі: басты айыпталушы тергеу изоляторынан босатылды

Almaty Hostel иесi Әдiлбек Мұхамедьяров үйқамаққа ауыстырылды, деп хабарлайды Orda.kz тiлшiсi сот залынан.  

Басты айыпталушыға бұлтартпау шарасын өзгерту туралы шешімді судья Ернар Қасымбеков кезекті отырыста жариялады. Мұхамедьяров 2023 жылдың 30 қарашасынан бері тергеу изоляторында болған. Дәл сол күні Almaty Hostel-де өрт шығып, адам өліміне әкелген еді.  

Судьяның айтуынша, сот процесі алты айдан астам уақытқа созылды, ал Мұхамедьяровқа тағылған айып ауыр қылмыс санатына жатпайды. Заңға сәйкес, іс сотқа түскеннен кейін жарты жыл өткен соң бұлтартпау шарасы жеңілдетілуі керек.  

13 адамның өмірін қиған өртке қатысты іс Алмалы аудандық сотында қаралып жатыр.