Алматы: Бір күнде денсаулық және мәдениет басқармасының басшылары тағайындалды

Алматының Қоғамдық денсаулық басқармасының басшысы болып Нариман Табынбаев тағайындалды.

Ол 1961 жылы 23 ақпанда дүниеге келген. Табынбаев Алматы Мемлекеттік медицина институтында, Қазақ инженерлік-техникалық академиясында оқыған. Қазіргі таңда профессор, медицина ғылымдарының докторы.

Осыған дейін Алматы қалалық денсаулық басқармасы «Орталық қалалық клиникалық ауруханасы» ШЖҚ МКК директоры қызметін атқарған.  

Сонымен қатар, 2020 жылдың 8 желтоқсанында Алматының мәдениет басқармасының басшысы Ғани Майлыбаев тағайындалды.

Ол 1987 жылы 10 қыркүйекте дүниеге келген. Майлыбаев Абай атындағы Қазақ ұлттық педагогикалық университетінде және Ресей Федерациясы президентінің жанындағы халық шаруашылығы және мемлекеттік басқару академиясында оқыған.

Осыған дейін Жамбыл облысы әкімдігінің туризм басқармасының басшысы қызметін атқарған.