Алматы барахолкасындағы өрт сөндірілді - ТЖМ

Өрт сөндірушілер Алматы барахолкасындағы өртеніп жатқан қоймадағы өрттің таралуын тоқтатты, деп хабарлайды Orda.kz.

Төтенше жағдайлар министрлігінің мәліметінше, өрт 12:28-де оқшауланды. Енді өрт сөндірушілер жанып жатқан ғимаратты толығымен сөндіруге кірісті.

Естеріңізге сала кетейік, сағат 10:40-та Алматы барахолкасындағы базарлардың біріндегі қойманың төбесінен өрт шыққаны туралы хабар тарады. Өртке жоғары дәреже берілді. Қазірдің өзінде оқиға орнында 100-ден астам адам мен 29 техника жұмыс істеп жатыр.