Алматы барахолкасында тағы бір өрт сөндірілді

Алматыдағы барахолкада тағы бір өрт сөндіріліп жатыр, базарға келген халық сыртқа шығарылды, әзірге зардап шеккендер жоқ.

«Өрт сөндірушілер Алматыдағы базардағы өртті сөндіруге кірісті. Қоңырау бүгін сағат 12:00 шамасында түсті. Алматы қаласы Төтенше жағдайлар департаменті бөлімшелері келген кезде «Кенжехан-2» киім-кешек базарының аумағындағы контейнерлік үлгідегі қоймадан өрт шыққаны анықталды» деп хабарлады ТЖМ.

Өрт болған аумақ белгіленді.

«Халықты базардан шығару жұмыстары жүргізілуде. Жағдайды қалпына келтіруге Төтенше жағдайлар министрлігінің Алматы қаласы бойынша департаменттерінің жеке құрамы мен техникасы жұмылдырылды» деп толықтырды ведомство.