Алматы балабақшасында табылған егеуқұйрықтарға әкімдік түсінік берді

Әкімдік бұл егеуқұйрықтар жақын маңдағы қоқыс тастайтын жәшіктен келуі мүмкін екенін мәлімдеді, деп хабарлайды Orda.kz порталы Tengrinews-ке сілтеме жасай отырып.

«Балабақшаның жанында егеуқұйрықтардың негізгі мекендейтін жері - көпқабатты үйлердің қоқыс контейнерлері (балабақша аумағынан 20 метр қашықтықта) орналасқан» деп хабарлады Алматы білім басқармасы.

Шенеуніктер қазір балабақшада дезинфекция мен дератизация жүргізілгенін айтып отыр.

«Осы жылдың 20 наурызында басқармада балабақша қызметін бақылау жөніндегі комиссия құрылып, оның қорытындысы бойынша мектепке дейінгі ұйым әкімшілігіне тиісті шаралар қабылданады. Сонымен қатар қалалық санитарлық-эпидемиологиялық бақылау қызметі тарапы да тексеру жүргізіп жатыр» деп хабарлады Алматы білім басқармасы.