Алматы ауруханасында науқастар ВИЧ жұқтырды

Алматы ауруханасының науқастары ВИЧ індетін жұқтырды. Бұл туралы алматы қалалық қоғамдық денсаулық сақтау басқармасы хабарлайды.

«Алматы ЖИТС орталығының мамандары Алматы қаласының Орталық қалалық клиникалық ауруханасында АҚТҚ-жұқтырған үш жағдайды анықтады. Анықталған фактілер бойынша Қоғамдық денсаулық сақтау департаментінің бұйрығымен 2 маусымда арнайы комиссия құрылды. Қоғамдық денсаулық сақтау басқармасы басшысының орынбасары мен Алматы ЖИТС орталығының қызметкерлерінен құралған комиссия ВИЧ инфекциясының таралу көздерін анықтау мақсатында қызметтік тексеру жүргізіп, донорлар, медицина қызметкерлері мен байланыста болған адамдар тексерілді» делінген хабарламада.

Комиссия жұмысының қорытындысы бойынша тексерілгендердің барлығында талдаудың теріс нәтижесі бар екені расталды.

Денсаулық сақтау министрлігі бұйрығы негізінде 13 маусымда комиссияның қорытындысы Алматы қалалық санитарлық-эпидемиологиялық бақылау департаментіне берілді. 2023 жылдың 14 маусымында Денсаулық сақтау министрлігі тері және жұқпалы аурулар ғылыми орталығы мамандарын тарта отырып, Орталық клиникалық аурухананы жоспардан тыс тексеруді бастады.

Тексеру қорытындысы бойынша уәкілетті органдар тиісті шаралар қабылдайды.

2020 жылы бұл аурухана да жанжалдың ортасында болды. Ол кезде аурухана қызметкерлері коронавирус жұқтырған. Одан кейін аурухананың 147 қызметкерінен ауру белгілері табылып, расталды. Осыған байланысты Алматы орталық қалалық клиникалық ауруханасының бас дәрігері Алмаз Джувашев қызметінен босатылды.