Алматы ауруханасында шыққан төбелес видеоға түсіп қалды

Алматыдағы ауруханалардың бірінде орын алған төбелес видео арқылы желіде тарап кетті.

Бұл туралы Orda.kz хабарлады.

Кадрдан ауруханаға кіре берісте жалаңаш денелі полиция формасындағы ер адамның жанжалдасып тұрғанын көруге болады. Ол өзін «Ұлттық қауіпсіздік комитетінің лейтенанты» және «Алмалы ауданында бөлім бастығы» деп таныстырды, ал әкесі «Ұлттық қауіпсіздік комитетінің генерал-лейтенанты» екенін айтты.

Кейін мас ер адам түрлі балағат сөздер айтып, ауруханаға кіріп кетеді. Артынша есікті сындырып, қайта сыртқа шығады.

Назар аударыңыз! Видеода балағат сөздер бар!

Полиция департаменті оқиға кеше түнде қалалық жедел жәрдем ауруханасында орын алғанын растады.

Олардың айтуынша, 27 қыркүйекте сағат 01.00 шамасында ер адам агрессия көрсетіп, Жедел көмек беру ауруханасында мас күйінде төбелес шығарған.

– Алмалы ауданының полиция бөлімі бұл азаматты ұсақ бұзақылығы үшін жауапқа тартты, - деп хабарлады Алматы қаласы ПД баспасөз қызметі.

Полиция бұл азаматтың Ұлттық қауіпсіздік комитетінің қызметкері емес екенін айтты.