Алматы әуежайының жаңа терминалы алғашқы рейстерді орындады

«Эйр Астана» әуе компаниясының Лондон-Алматы бағытындағы рейсі 8:50-де бортындағы 94 жолаушымен қонды, деп хабарлайды Orda.kz ҚР Көлік министрлігіне сілтеме жасап.

Кестеге сәйкес жаңа терминалдан алғашқы рейсті «Эйр Астана» жасады, ұшақ Дохаға сағат 9:50-де аттанады. Ұшаққа 166 жолаушы тіркелді.

Жаңа әуежай терминалы өздерінің алғашқы жолаушыларын салтанатты жағдайда естелік сыйлықтармен қарсы алады. 

Естеріңізге сала кетейік, бұл терминалдың құрылысы 2021 жылы басталған. Жалпы ауданы 53 мың шаршы метр болады.

Жаңа терминалдың ашылуына байланысты әуежай жылына 14 миллион жолаушыға қызмет көрсете алады деп күтілуде. Халықаралық рейстерді көбейту жоспарда бар.