Алматы әуежайында интерпол іздеуінде жүрген қылмыскер ұсталды

Алматы әуежайында Интерполдың сұрауы бойынша Польша тәртіп сақшылары халықаралық іздеуге жариялаған Моңғолия азаматы ұсталды, деп хабарлайды Orda.kz Poliia.kz сайтына сілтеме жасап.

Күдікті ұйымдасқан қылмыстық топқа қатысу, құжаттарды қолдан жасау және салықтарды, кедендік төлемдер мен алымдарды төлеуден жалтару мақсатында контрабандамен айналысты деп айыпталып отыр.

«Ер адам қылмыстық топ құрамында болған, ол жалған моңғолдық дипломатия құжаттарын пайдаланып, Польшаға 1,7 миллионнан астам темекі және басқа да міндетті акциз және кедендік баж салығы салынатын тауарларды заңсыз тасымалдаған. Мемлекетке шамамен 50 мың АҚШ доллары көлемінде залал келтірген»  деп мәлімдеді полиция.

Ұсталған азамат уақытша ұстау изоляторына қамалды.