Алматы әуежайында есірткі тасымалдады деген күдікпен шетелдік ұсталды

Алматы әуежайында есірткі контрабандасына қатысы бар Түркияда іздеуде жүрген Түркия мен Сербияның 33 жастағы азаматы ұсталды, деп хабарлайды Orda.kz

Ішкі істер министірлігінің мәліметінше халықаралық кокаин жеткізумен айналысқан шетел азаматы ұсталды.

«ІІМ Интерпол Ұлттық орталық бюросының сұрауы бойынша Алматы халықаралық әуежайында полиция қызметкерлері Сербия мен Түркияның 33 жастағы азаматын ұстады. Ер адамды Түркия Республикасының құқық қорғау органдары іздеуде» деп жазылған хабарламада.

Тергеушілердің мәліметінше, 2021 жылы ұсталған адам басқа тұлғалармен бірге теңіз арқылы Стамбулға халықаралық кокаин жеткізуді ұйымдастырумен айналысқан.