Алматы әуежайында 750 адам ұша алмай отыр

Азаматтық авиация комитеті кеше түнде ондаған рейс тоқтатылып, уақыты ауыстырылған Алматы әуежайындағы жағдайға қатысты пікір білдірді, деп хабарлайды Orda.kz.

Ведомствоның мәліметінше, түнде бес рейс тоқтатылды. Тағы 60-ы ұшатын уақытын күтуде. Әуежайда 750-дей адам ұшып кетуді күтіп отыр.

Мамандар қазір көру мүмкіндігі 10 шақырым, жел 4 м/с, температура -17 деп хабарлады. Болжам бойынша түнгі сағат екіге дейін қалың қар жауып, желдің екпіні 8 м/с, көру мүмкіндігі 800 метрге дейін жетеді. Ауа райының жақсаруы 17 ақпанда сағат 10.00-ден кейін күтілуде.

«Ауа-райы жақсарған сайын рейстердің кешігуіне байланысты жағдай тұрақтанады. Әуежай басшылығы мен авиакомпания өкілдері  жолаушыларды барлық қажетті ақпаратпен қамтамасыз етуде. Біз рейстердің кешігуі азаматтық авиациядағы басымдық болып табылатын жолаушылардың ұшу қауіпсіздігін қамтамасыз етуге байланысты туындайтынын атап өтеміз»  деп хабарлады олар.

Рейстердің кешігуі кейінгі рейстердіңде  тізбекті кешігуіне әкелуі мүмкін, сондықтан жолаушыларға әуе және әуежайдың ақпарат қызметтерінен олардың ұшу жағдайы мен уақытын алдын ала тексеруге кеңес беріледі, деп қосты комитет.