Алматы әуежайы жолаушылардың жаппай жиналуына қатысты түсінік берді

Алматы әуежайы көп адамның жиналуы мен рейстің кешігуіне қатысты түсінік берді.

Алматыда ауа райының күрт бұзылуына байланысты рейстер кешікті. Әуе айлағының штаттық жұмысын күрделі метеожағдайларды ескере отырып өзгертуге тура келген.

«Жағдай тұрақталғаннан кейін әуежай әуе кемелеріне бірінші кезекте қызмет көрсетіп жатыр. Барлық арнайы техника мен күшейтілген ауысымдық құрам жұмылдырылды. Бірінші кезекте бұрын кешіккен ұшақтарды деайсинг (мұздан тазарту) жұмысы жүргізілгендіктен, келген кемелер тұрақ орындарының босағанын күтті». 

Әуежайдың баспасөз қызметі ұшақ басқыштарының жетпей жатқаны туралы да ақпараттың шындыққа жанаспайтынын айтты.