Алматы ауасы лас  – белсенділер бұрынғы әкімнің кесірінен митингіге шықты

Қаладағы трамвайлардың жойылуына байланысты алматылықтар «газ камерасында тұруға мәжбүр» болдық  дейді.

Ғылым академиясының алдындағы алаңға «Таза ауа үшін» митингісіне 250-270-ке жуық адам жиналды. Халық плакаттармен келіп, барлық бағыт бойынша, оның ішінде саяси бағытта да өз ұстанымдарын білдірді.

«Табиғат» экологиялық одағының төрағасы Мэлс Елеусізов мегаполистің экс-әкімі Бауыржан Байбектің әрекетін сынға алды. Оның пікірінше, Байбек трамвайларды алып тастағандықтан, алматылықтар «газ камерасында» өмір сүруге мәжбүр.

Ал белсенді Әсия Төлесова халықтың экология үшін күресте Алматы басшылығын қолдайтынын айтып, билікке жүгінді.

— Бес жылдан астам уақыт өтті, біз әлі де бір орындамыз. ЖЭО-ларды газға көшіру орта мерзімді мақсатқа айналуы керек. Қаламызды энергетикалық тұрақты, қауіпсіз етуді шешуіміз керек, сонда ғана біз де, балаларымыз да еркін өмір сүре аламыз, - деді Төлесова.

Адамдардың жақсы өмірге  лайықты  екенін атап өткен кейбір азаматтар, оның ішінде белсенді Жанар Секербаева митингке плакатсыз келген.

«Аспанға қараңдар, міне менің плакатым!» - деді  ол.

Қазіргі уақытта алаң әлі де лық толы, сөйлегісі келгендерге микрофон берілуде. Айтпақшы, жиынды ұйымдастырушылар полицияның Украинадағы жағдай мен басқа да саяси мәселелер туралы айтуды доғаруды талап етіп отырғанын, әйтпесе тарату басталатынын айтты.

Бірақ халық алаңға отбасымен, бала-шағасымен келгендіктен, қадағалаушылар көнуге мәжбүр болды. Айтпақшы, митинг соңында ең креативті плакаты  бар адамға ұйымдастырушылар торт сыйламақшы.