Almaty Arena мұз айдынында өрт шығып, төрт бала құтқарылды

Бүгін, 25 қаңтарда Almaty Arena мұз сарайында өрт шықты. Мұз айдынының кіші залының бірінші қабатында 40 шаршы метр аумақта төсеніштер жанған, деп хабарлайды Orda.kz.

Өртті сөндіру және барлау кезінде құтқарушылар төрт баланы аман алып қалды. Қалған келушілер мен қызметкерлер өрт сөндірушілер келгенге дейін мұз сарайынан өз бетінше шығып кеткен. 

Төтенше жағдайлар департаменті балалардың жағдайы жақсы екенін айтты. Қазір оларды дәрігерлер тексеріп жатыр. Өрт сағат 15:46-да ауыздықталды. Өрт басқа бөлмелерге таралмаған.