Алматы-Қапшағай тас жолында жаппай жол апаты орын алды

Алматы-Қапшағай тас жолында жаппай жол-көлік оқиғасы орын алды.

Оқиға 8 ақпан күні таңғы уақытта болған. Бұл туралы әлеуметтік желіде оқиғаның салдарын видеоға түсірген куәгерлер хабарлады. Олардың айтуынша, апатқа кемінде бес көлік қатысқан. Жарияланған кадрларда Lexus, Volkswagen, екі Mitsubishi және тағы бір көлік соқтығысқаны көрінеді.
Полицияның мәліметінше, жол апаты таңғы сағат 07:30 шамасында тас жолдың 26-шы шақырымында болған.

«Зардап шеккендер жоқ, жол-көлік оқиғасы бойынша ҚР ӘҚБтК-нің 610-бабында көзделген әкімшілік іс қозғалды» деді Алматы облысының баспасөз қызметі.