Алматы әлемдегі ең лас 10 қаланың қатарына қосылды

Алматы IQAir швейцариялық компаниясының әлемдегі ең ластанған ірі қалалардың онлайн рейтингінде ресми түрде алғашқы ондыққа кірді, деп хабарлайды Orda.kz.

Алматы бірінші күні-ақ тізімнің 5-ші орнына шықты. Тура сағат 17:00-де осы деңгейге жетті. Сонымен қатар Карачи, Багдад, Шанхай, Ташкент, Мумбай және Бішкек қалалары да осы тізімдікте бар.

«Алматы 5-ші орында болған уақытта ауа сапасының орташа көрсеткіші AQI (ауа сапасы индексі) 169 болды, бұл «денсаулыққа зиянды деңгейдегі ластану» ретінде бағаланады» деп хабарлады IQAir. 

Рейтинг әр сағат сайын жаңартылып отырады.

«Әлемдегі ірі қалалардың рейтингіне шамамен 120 мегаполис кіреді. Қалалар ауа сапасының индексі (AQI) бойынша бағаланады, бұл көрсеткіш мыңдаған мониторинг станциялары мен сенсорлардың мәліметтері бойынша есептеледі. Бұл станцияларды мемлекеттік ұйымдар, зерттеу институттары, ҮЕҰ, компаниялар мен еріктілер басқарады» деп мәлімдеді IQAir. 

Рейтингті мына жерден немесе Airvisual мобильді қосымшасы арқылы көруге болады.