Алматы әкімінің орынбасары қызметін асыра пайдаланғаны үшін жазаланды

Алматы қаласының Түрксіб ауданында кәсіпкерлерге қысым көрсеткені үшін алты шенеунік пен әкімнің орынбасарына айыппұл салынды.

Orda.kz дереккөздерінің хабарлауынша, Ерболат Досаевтың орынбасары Әлішер Әбдіқадыров — аудан әкімдеріне әлеуметтік маңызы бар өнімдердің бағасына мониторинг жүргізуді тапсырған. Бұл тапсырманы орындаған шенеуніктер кәсіпкерлерді жүкқұжаттар мен басқа да құжаттарды ұсынуға мәжбүрлеген. Мұндай әрекеттер заңға қайшы келеді.

Тексеру жүргізу тәртібін бұзу фактілері бойынша аудан әкімдері аппараттарының 6 лауазымды тұлғасы ҚР ӘҚБтК-нің 175-бабымен әкімшілік жауапкершілікке тартылды. Оларға 500 АЕК (1 966 000 теңге) мөлшерінде айыппұл салынды. Ал Алматы қаласы әкімінің орынбасары 393 200 теңге айыппұл төледі.

Еске салайық, 29 наурыз күні президент Қасым-Жомарт Тоқаев Алматыға іс-сапармен келіп, Алматы әкіміне екі аптада бір рет есеп беруді міндеттеген.