Алматы әкімі Дархан Сатыбалды республикалық референдумда дауыс берді

Алматы қаласының әкімі Дархан Сатыбалды жаңа Конституция жобасы бойынша өтіп жатқан республикалық референдумда дауыс берді, деп хабарлайды Orda.kz.      

Қала басшысы Алматыдағы сайлау учаскелерінің бірінде өз таңдауын жасады.

Қалада дауыс беруді өткізу үшін таңғы 7:00-ден бастап 653 референдум учаскесі ашылды. Олардың барлығы белгіленген тәртіп бойынша жұмыс істеп жатыр.

Дауыс беру заңнама талаптарына сәйкес өтуде және сағат 20:00-ге дейін жалғасады. Қорытындылар учаскелер жұмысы аяқталғаннан кейін шығарылады.