Алматы әкімдігі төтенше жағдай дабылының неліктен «президенттік» деп аталғанын түсіндірді

Бүгін Алматыда Mass Alert жаңа жүйесі сынақтан өткізілді. Жазылушылар «Президенттік ескерту» деп белгіленген хабарлар алды, деп хабарлайды Orda.kz порталы.

Әкімдіктегілер бұл уақытша атау дейді.

«Бұл халықаралық спецификацияның Cell Broadcast арна тақырыптары атауларын стандарттағанына байланысты және барлық телефон өндірушілері бұл атауларды өз құрылғыларында (операциялық жүйе деңгейінде) енгізеді. Халықаралық спецификациямен қабылданған тақырып атаулары өзгермейді» деп түсіндірді департамент. 

«Ұлттық ескерту» айдарымен өндірушілерге қойылатын талаптар әзірленіп жатыр.