Алматы әкімдігі маңында митингіге шыққан кәсіпкерлерге айыппұл салынды
Шерушілер шенеуніктерге шағымдарын жеткіземіз деп бастарына бәле тілеп алды, енді олар сот алдында ақталуға мәжбүр. Олардың төртеуіне кеше түнде айыппұл салынды. Ал біреуі митингіні ұйымдастырушы деп танылып, 10 тәулікке қамауға алынды, деп хабарлайды Orda.kz.
Кәсіпкерлердің бірі редакция тілшісіне соттың онлайн режимде өткенін айтты. Оған дейін олар түсініктеме жазуға мәжбүр болған.
«Мен митинг болған жоқ, флешмоб болды деп түсініктеме жаздым. Біз ешкімді үгіттеп, ешкімді заң бұзуға шақырмасақ та барлық билік өкілдері белсенділік танытып, бізді қудалап жатыр. Сот онлайн режимде өтіп, көп күттік. Прокуратура бізге жеңіл жаза бергісі келмеді, олар «жұртқа үлгі болу үшін» қайткен күнде де біреуді қамауы керек болған сияқты», дейді әйел.
Оның айтуынша, акцияның бес қатысушысына қатысты сот отырысы өтті. Төртеуі айыппұл төлеп, бір адам қамауға алынды.
«Дәулет ұйымдастырушы ретінде 10 тәулікке қамалды. Әрине әділетсіз. Олардың қолдарында плакаттар мен оның суреті болды. Оның ұйымдастырушы екенін, барлығына телефон шалғанын айтты. Қазір оған жақсы адвокат іздеп жатырмыз. Алматыда бұл істі еш адвокат алғысы келмейді, пайдасы жоқ дейді. Әйтеуір біреуін Астанадан таптық», деп қосты кәсіпкер әйел.
Наразылық акциясының тағы бір қатысушысын да қамауға аламыз деп қорқытқан, бірақ ол сотта көзіне жас алып, жас сәбиі барын айтып, оған айыппұл салыныпты.
Orda.kz-ке хабарласқан кәсіпкердің айтуынша, сотта олар наразылыққа шыққандар кездесуге келіскен топтың скриншоттарын көрсеткен, сондықтан олардың сот процесін ұйымдастыруға қатысушылардың бірі көмектескенін, бұл Кәсіпкерлер палатасы болуы мүмкін деген күдіктерін айтты.
15 ақпанда бөлшек саудамен айналысатын кәсіпкерлер мен жергілікті дүкен иелері Алматы әкімдігіне плакаттармен келіп, еліміздің бірқатар өңірлеріндегідей салықты төрт пайыздан екі пайызға төмендетуді талап еткен болатын.
Жаңалықтар
- АҚШ жер серіктеріне шабуыл жасау үшін ғарышқа қару орналастыруды жоспарлап отыр
- Қызылжардағы су басқан үйлердің 80 пайызға жуығы техникалық байқаудан өтті
- Алматыда 1 маусымға дейін Mass Alert сейсмикалық ескерту жүйесі енгізіледі
- Журналист жалаңаш бейнетүсірілімі үшін мемлекеттік органнан өтемақы өндірді
- Бішкекте шетелдіктерге қарсы наразылық күшейе түсті
- Қазақстан бүгін АҚШ құрамасымен хоккейден әлем чемпионатында кездеседі
- Қазақстан мен Жапония су тасқынымен күресуде күш біріктіреді
- «Атырау-Орал» тас жолы тасқын суды өткізу үшін қазылды
- СҚО-да су басқан үй қалмады – Төтенше жағдайлар министрлігі
- Арықтарды жөндеу Алматыны су басудан құтқармайды
- Orda News аптаның басты оқиғаларына шолу жасады
- Ердоған қапаста жатқан бұрынғы жеті генералға рақымшылық жасады
- Қасым-Жомарт Тоқаев БАӘ президенті Мұхаммед бен Заид Әл Нахаянмен телефон арқылы сөйлесті
- Тоқаев Путинмен телефон арқылы сөйлесті
- Атырауда облыс әкімдігіне қарама-қарсы орналасқан көрікті жерлер су астында қалды
- Қазақстанда Ресей заңнамасын бұзған Өзбекстан азаматтары ұсталды
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады