Алматы әуежайының бұзылған VIP-терминалы қалпына келтіріледі

Алматы әуежайының қиратылған VIP-терминалының басшылығы түпнұсқаны жаңа жерде қалпына келтіруге уәде беріп отыр.

«Алматыны қорғайық» қозғалысының белсенділері журналистермен бірге әуежай басшылығына символикалық сыйлық – тарихи ғимарат үстіне қаны тамған  балта салынған бейнесуретті сыйға тартққаннан кейін қираған терминалды басқа жерде қалпына келтіру туралы шешім қабылданған көрінеді.

Баспасөз қызметі «Алматы әуежайының тарихи ғимараты 1947 жылы салынған, Алматы қаласының тарихи және мәдени ескерткіштерінің мемлекеттік тізіміне енгізілген» деп хабарлады. Бірақ «Тарихи-мәдени мұра нысандарын  қорғау және пайдалану туралы» заңға сәйкес, «егер ескерткіштің қозғалуы мен өзгеруі оны сақтау жағдайларын жақсартуға әкелетін болса, оны жылжытуға рұқсат етіледі».

«Осыған байланысты жылжытуға облыстардың, республикалық маңызы бар қалалардың, астананың жергілікті атқарушы органдарының шешімімен жергілікті маңызы бар тарих және мәдениет ескерткіштерімен келісім бойынша тарих және мәдениет сараптамасының қорытындысы негізінде рұқсат етіледі»  деп нақтылайды әуежайдың баспасөз қызметі хабарламада.

Растау үшін бірқатар рұқсат құжаттары қоса берілген: Алматы қаласы әкімдігінің 2020 жылғы қарашадағы қаулысы, сондай-ақ «Қазқалпынакелтіру» РМК ғылыми-зерттеу және жобалау филиалының тарихи-мәдени сараптамасының қорытындысы және хаттама. Тарихи-мәдени мұра жөніндегі арнайы комиссияның соңғы екі құжаты 2022 жылдың 31 қазаны мен 1 қарашасында берілген.