Алматы қаласы әкімінің орынбасары қызметінен босатылды

Мұхит Әзірбаев Алматы әкімінің орынбасары қызметінен босатылды. Бұл туралы қала әкімінің баспасөз қызметі хабарлады.

– Биылғы жылдың наурыз айында жолдау барысында айтылған Мемлекет басшысының тапсырмасына және Үкімет қаулысына сәйкес, мемлекеттік қызметшілерді оңтайландыру мақсатында 2022 жылдың 21 қыркүйегінен бастап облыстар мен Республикалық маңызы бар қалалардың әкімдіктерінде Алматы қаласы әкімінің орынбасары Мұхит Әзірбаев өз еркімен қызметінен босатылды, – делінген хабарламада.

Мұхит Әзірбаев 2019 жылдың сәуір айынан бастап Алматы әкімінің орынбасары қызметін атқарды. Ол сәулет, қала құрылысы, жер қатынастары және энергетика мәселелеріне жетекшілік етті.