Алматы әкімі сайлау учаскесіне әйелімен келді

Ерболат Досаев М.Мәметова атындағы № 28 мектеп-лицейде орналасқан № 358 сайлау учаскесінде дауыс берді.

М.Мәметова атындағы № 28 мектеп-лицейде орналасқан № 358 сайлау учаскесіне таңғы сағат    7-де Алматы қаласының әкімі Ерболат Досаев жұбайымен алғашқылардың бірі болып келді.

— Бүгінде Қазақстан азаматтары өздерінің конституциялық құқығын пайдаланады және еліміздің алдағы жеті жылда қалай дамитынын таңдайды. Әрбір қазақстандықтың дауысы маңызды, мен бүгін Алматы қаласының азаматы және тұрғыны ретінде қаламыздың, тұрғындарымыздың, отбасым мен балаларымның жарқын болашағы үшін өз дауысымды беруге келдім. Алматылықтар бірлігін көрсетіп, өз таңдауын айқындайтынына сенімдімін, - деді Досаев.

Сайлау күні Алматыда барлығы 600 сайлау учаскесі ашылды, оның 55-інде тұруға ықтиярхаттың бар-жоғына қарамастан дауыс беруге болады. Қалада 1,2 миллионға жуық адам дауыс беруге құқылы.