Алматы әкімдігі сотта теннис орталығын салу ісін жеңді

Алатау ауданындағы теннис орталығы осыдан 2 жыл бұрын ашылуы керек еді, бірақ ғимарат осы уақытқа дейін пайдалануға берілмеген, деп хабарлады қала әкімдігінің баспасөз қызметі.

Спорт кешенін салуға бюджеттен қаражат алған мердігер ұйым «ПМК-7К» ЖШС өз міндеттемелерін орындамағаны үшін мемлекеттік сатып алудың жосықсыз қатысушысы деп танылды. Сот компанияны айыппұл төлеуге, сондай-ақ игерілмеген авансты қайтаруға міндеттеді.

Мердігер шешімді даулауға тырысты, бірақ азаматтық істер жөніндегі сот алқасы шағымды өзгеріссіз қалдырды.