Алматыда «Glovo» курьерлері ереуілге шықты

Алматыда 7 шілде күні  Glovo жеткізу қызметінің курьерлері ереуілге шықты. Олар жалақыларын көтеруді және тапсырыс беру жүйесін жақсартуды талап етеді.

Бұл туралы Orda.kz хабарлайды.

Жалпы алғанда, курьерлерде 23 талап тізімі бар, олар тізімді компания басшылығына бергісі келеді.

Glovo кеңсе менеджменті орналасқан «Нұрлы Тау» бизнес орталығына 50-ге жуық адам жиналды. Курьерлер келіссөз жасалады деп күтеді. Бірақ күзетшілер оларды ғимаратқа кіргізбеді. Ереуілге шыққандарға «Glovo» басшылары 15 минут ішінде келеді деп айтылды.

Еске салайық, шамамен бір ай бұрын, Wolt компаниясының курьерлері ереуілге шыққан. Олар өздерінің бұрынғы төлемақыларын қайтаруды талап еткен болатын. Содан кейін қала билігі келіссөздерге араласып, ереуілге шыққандардың талаптары орындалды.