Алмасадам Сәтқалиев АЭС бойынша референдум өткізудің қажеті жоқ деп санайды

Энергетика министрі Алмасадам Сәтқалиев ағымдағы процедуралар бойынша АЭС бойынша референдум өткізуді қажетсіз деп санайды және оның орынбасары Жандос Нұрмағанбетовтің бұған дейін Қазақстанда атом электр станциясы бойынша референдум болмайтыны туралы айтқанын енді есіне түсірмеген сияқты.

Бұл туралы ҚазТАГ хабарлайды.

Айта кетейік, бұған дейін Қазақстан президенті Қасым-Жомарт Тоқаев АЭС салу қажет болса, бұл мәселе референдумға шығарылатынына уәде берген болатын. Алайда шілденің 15-і күні Энергетика вице-министрі Жандос Нұрмағанбетов АЭС салу мәселесі референдумға шығарылмайтынын мәлімдеді.

Еске салайық, 19 мамырда белгілі экономист-энергетик, «KEGOC» корпорациясының бұрынғы басшысы Әсет Наурызбаев АЭС жақтастарына болашақта жасыл энергия үшін 30 теңгенің орнына 70 теңге төлеуді ұсынған болатын. Сарапшы АЭС бойынша президент уәде еткен референдумды ашық дауыс беру арқылы өткізу қажет деп есептейді.

2023 жылдың 1 қыркүйегінде Тоқаев Қазақстан халқына үндеу жолдап, референдум қорытындысы бойынша атом электр станциясына қатысты шешім қабылдауды тапсырды.